د ملګرو ملتونو سرمنشي انتونیو ګوتېرېش وايي چې د شخړو د زیاتېدو په اوسنیو شرایطو کې تلپاتې سولې د ته د رسېدو یوازینۍ لار د نړیوالو قوانینو رعایت، د ناورینونو د اصلي لاملونو څېړل او د سیاسي حللارو موندل دي.
ګوتېرېش پنجشنبه د اکټوبر پر ۲۹مه، پر خپله ایکسپاڼه لیکلي چې د جګړو او تاوتریخوالي د پای ته رسولو لپاره باید اړینه سیاسي اراده موجوده وي.
هغه د وسلو د خاموشولو، د وژنو د درولو او د داسې نړۍ د جوړولو غوښتنه کړې چې ټول خلک پکې له سولې برخمن وي.
د ملګرو ملتونو سرمنشي ټینګار کړی چې د ناورینونو د اصلي لاملونو حل او د سیاسي حللارو تعقیبول تلپاتې سولې ته د رسېدو له مهمو لارو دي.
