د ملګرو ملتونو سرمنشي انتونیو ګوتېرېش وايي، ډیموکراسي ورځنۍ بهیر دی چې د بشري حقونو، د قانون حاکمیت او په مدني او سیاسي ژوند کې د ټولو اغېزمن مشارکت خوندې کوی.
ګوتېرېش سهشنبه د سپټمبر پر ۱۵مه په اېکسپاڼه کې لیکلي چې په خپل هېواد کې د ډیموکراسۍ د بېرته راژوندي کولو شخصي تجربې ته په کتو، پوهېږي چې ډيموکراسي دې هېڅکله لرې حقیقت نه ګڼل کېږي.
هغه ټینګار کړی چې د ډیموکراسۍ پیاوړتیا تلپاتې ژمنتیا ته اړتیا لري.
د ملګرو ملتونو سرمنشي زیاته کړې چې ډاډ دې ترلاسه شي، څو د هر چا غږ واورېدل شي او د پرېکړو پر مهال د ټولو نظرونه په پام کې ونیول شي.
د ګوتېرېش په وینا، ډیموکراسي دې د سولې، انساني کرامت د خونديتوب او د ټولنې د ټولو برخو د مشارکت لپاره لاره برابره کړي.
