د ملګرو ملتونو سرمنشي انتونیو ګوتېرېش وايي چې په نړۍ کې له هرو پنځو نجونو یوه یې له ۱۸ کلنۍ مخکې واده کوي.
ګوتېرېش یکشنبه د اکتوبر پر ۱۱مه په اېکس پاڼه کې لیکلي چې د ماشومانو ودونه د نړۍ په ګوټ ګوټ کې د میلیونونو نجونو ښوونه، روغتیا او امنیت له ګواښ سره مخ کوي.
نوموړي ټينګار کړی چې ټولې نجونې حق لري ماشومتوب تېر کړي او د زدهکړو او ودې له فرصتونو برخمنې وي.
د ملګرو ملتونو سرمنشي له ټولو غوښتي چې د نجونو له حقونو د دفاع لپاره هڅې وکړي او د تل لپاره د ماشومانو ودونه ختم کړي.
