د ملګرو ملتونو سرمنشي انتونیو ګوتېرېش ویلي، په سوډان کې د واک پر سر جګړه چې د بهرنیو غاړو په ملاتړ روانه ده، پر ملکي وګړو د جګړې بڼه خپله کړې ده.
ګوتېرېش سهشنبه د اکتوبر پر ۲۷مه، پر اېکس لیکلي چې په سوډان کې دې ملکي وګړي خوندي شي او بشري مرستې دې هم له هر ډول خنډ پرته تر اړمنو ورسېږي.
نوموړي ټینګار کړی چې د سوډان یووالی، حاکمیت او ځمکنۍ بشپړتیا دې خوندي شي.
د ملګرو ملتونو سرمنشي زیاته کړې چې د سوډان راتلونکی دې د دغه هېواد د خلکو له خوا او د یوه ټولګډوني سیاسي بهیر له لارې وټاکل شي.
