۸صبح، کابل: د روغتیا نړیوال سازمان اعلان کړی چې د نیمروز په یوه نوي بېړني روغتیايي مرکز کې له ایرانه راستنېدونکو افغان کډوالو ته بېړني او د ژغورنې روغتیايي اسانتیاوی چمتو کوي.
دغه بنسټ سهشنبه د لړم پر ۵مه په اېکسپاڼه کې لیکلي چې دا نوی مرکز د ۲۰۲۶ کال د اکتوبر پر ۲۶مه پرانیستل شوی او د اروپايي ټولنې د بشري مرستو ادارې (ECHO) په مالي ملاتړ فعالیت کوي.
د روغتیا نړیوال سازمان زیاته کړې چې هره ورځ سلګونه افغانان د نیمروز د میلک له لارې له ایران څخه هېواد ته راستنېږي او د ژوند ژغورلو په برخه کې بېړنیو روغتیايي خدمتونو ته یې لاسرسی مهم رول لري.
دا مرکز راستنو شویو ښځو او نارینهوو ته بېړنۍ درملنه، د ژغورنې روغتیايي پاملرنه او د تخصصي درملنې مرکزونو ته د ناروغانو د لېږدولو خدمات وړاندې کوي.
دا په داسې حال کې ده چې د اقتصادي او ټولنیزو ستونزو سربېره، له ایران او پاکستان څخه د افغان وګړو د بېرته راستنېدو او جبري ایستلو بهیر لا دوام لري.
