د ملګرو ملتونو د ښځو څانګې اجرايي مشرې سیما باهوس ویلي، د سولې په بهیر کې د ښځو ونډه د سولې تړونونو د دوام او د ټولنو د مقاومت د پیاوړتیا په برخه کې مرسته کوي.
نوموړې سهشنبه د اکتوبر پر ۲۷مه په اېکس پاڼه کې لیکلي چې د ښځو رهبري او امنیت، دواړه د ملي او نړیوال امنیت د ټينګښت لپاره اړین دي.
باهوس د ښځو، سولې او امنیت په برخو کې پر پانګونې ټينګار کړی دی.
دا په داسې حال کې ده چې د ملګرو ملتونو د ښځو څانګې اجرايي مرستیالې نایارادزایي ګومبونزواندا د افغان نجونو د زدهکړو له دوامداره محرومیته اندېښنه څرګنده کړې ده.
هغې خبرداری ورکړی چې افغانستان د ښځو د حقونو په برخه کې له شدید بحران سره مخ دی.
د طالبانو له واکمنېدو وروسته ښځې او نجونې له ګڼو محدودیتونو سره مخ شوې دي.
