د ملګرو ملتونو سرمنشي انتونیو ګوتېرېش وايي، د اقلیمي بدلونونو اغېزې په ټوله نړۍ کې احساسېږي او هغه خلک چې د دغه کړکېچ په رامنځته کېدو کې یې تر ټولو لږ رول لرلی، له ټولو ډېر زیان ویني.
ګوتېرېش سهشنبه د اکتوبر پر ۲۷مه په اېکسپاڼه کې لیکلي چې د ملګرو ملتونو د سرمنشي په توګه د خپلې دندې له پیل راهیسې، اقلیمي بدلونونه د نړۍ لپاره یو لوی ګواښ پاتې شوی دی.
هغه زیاته کړې چې اوس د دغه بحران اغېزې د پخوا پرتله د خلکو پر ژوند او چاپېریال لا ډېرې څرګندې شوې دي.
د ملګرو ملتونو سرمنشي ټینګار کړی چې د اقلیمي کړکېچ په رامنځته کولو کې د هېوادونو د ونډې او د زیانمننې ترمنځ یې توپیر شته.
د هغه په خبره، هغوی چې د دغه کړکېچ په رامنځته کېدو کې کمه ونډه لري، اوس یې تر ټولو درنه بیه پرې کوی.
ګوتېرېش د اقلیمي عدالت پر تأمین ټینګار کړی او د دغه کړکېچ د مهارولو او اغېزو ته یې د پاملرنې لپاره د بېړنیو اقداماتو غوښتنه کړې ده.
