په ملګرو ملتونو کې د امریکا پخوانۍ سفیرې نیکي هیلي په منځني ختیځ کې د واشنګټن له متحدانو غوښتي چې له ایران سره د جګړې د پای ته رسولو لپاره د امریکا له هڅو ملاتړ وکړي.
الجزیرې دوشنبه د نومبر پر ۱۶مه، راپور ورکړی چې هیلي د ایران پر وړاندې د جګړې په اړه د سیمې د هېوادونو پر دریځ نیوکه کړې ده.
هیلي ویلي چې د سیمې هېوادونه د هرمز تنګي د کنټرول په برخه کې د امریکا له اوسني وضعیت او پر دغو هېوادونو د ایران د احتمالي بریدونو د مخنیوي له هڅو ګټه اخلي.
هغې زیاته کړې چې په فارس خليج سیمه کې د امریکا متحدان د دغه هېواد له ولسمشر ډونالډ ټرمپ سره اړیکه نیسي او ترې غواړي چې د ایران پر وړاندې له پوځي اقدامه ډډه وکړي.






