۸صبح، کابل: د افغانستان پخواني ولسمشر حامد کرزي په کابل کې د جاپان له سفیر تاکایوشي کرومیا سره په کتنه کې یو ځل بیا د نجونو پرمخ د ښوونځيو او پوهنتونونو پر پرانېستلو ټينګار کړی دی.
دوی یکشنبه د وري پر ۱۹مه په کابل کې لیدلي دي.
د کرزي په اېکسپاڼه کې لیکل شوي چې دواړو لوریو د افغانستان او سیمې د حالاتو په اړه خبرې اترې کړې دي.
دا په داسې حال کې ده چې د نجونو پرمخ د ښوونځيو او پوهنتونونو د دروازو تړلو دوام ته په کور دننه، نړیوالو او د بشري حقونو بنسټونو پراخ غبرګون ښودلی دی.
د طالبانو د رسمیت پېژندنې لپاره د ډېرو هېوادونو اصلي شرطونه د نجونو پر وړاندې د ښوونځيو او پوهنتونونو دروازو پرانېستل او د ښځو پر کار او فعاليتونو د محدوديتونو لرې کول ښودل شوي دي؛ خو طالبانو دا غوښتنې له پامه غورځولې دي.