۸صبح، پکتیکا: سیمهییزې سرچینې وايي چې په پکتیکا کې د طالب او پاکستاني ځواکونو ترمنځ څو ساعته نښته شوې او د سیمې ځینو اوسېدونکو د جګړې له وېرې خپل کورونه پرېيښي دي.
سرچینو سهشنبه د تلې پر ۲۸مه ۸صبح ورځپاڼې ته وویل چې دا نښته بیګاه د شپې شاوخوا ۱۰:۰۰ بجې ډیورند کرښې ته نږدې په برمل او انګور اډه کې شوې ده.
د سرچینو په خبره، په نښته کې درنې وسلې کارول شوې او څو ساعته یې دوام کړی دی.
سیمهییزو سرچینو زیاته کړې چې د پکتیکا ځيني اوسېدونکي په نیمه شپه کې له خپلو کورونو وتلي او نورو سیمو ته یې پناه وړې ده.
تر اوسه د دغې نښتې له امله د اوښتو زیانونو په اړه جزییات نه دی خپاره شوي.
