د هوا پېژندنې نړیوال سازمان ویلي چې تېر ۱۲ کاله په تاریخ کې تر ټولو ګرم کلونه و او په ۲۰۲۶ کال کې د ځمکې تودوخه لا هم په لوړېدو ده.
دغه بنسټ دوشنبه د نومبر پر ۹مه د نړۍ د اقلیمي وضعیت په اړه په نوي راپور کې اعلان کړی چې د روان کال په لومړیو نهو میاشتو کې د ځمکې منځنۍ تودوخه د صنعتي کېدو له پېره مخکې تودوخې پرتله ۱.۴۷ درجې سانتيګرېډه لوړه وه.
د راپور له مخې، د اېلنینو پدیده چې له اګست میاشتې راهیسې شدیده شوې، ښايي د کال تر پایه د ځمکې تودوخه نوره هم لوړه کړي.
د هواپېژندنې نړیوال سازمان ویلي چې ځمکه په چټکۍ په تودېدو ده او سمندرونه د اضافي تودوخې شاوخوا ۹۰ سلنه جذبوي.
ښايي ۲۰۲۶ کال به هم پرلپسې لسم کال وي چې د سمندرونو د تودوخې نوی ریکارډ پکې ثبتېږي.
په راپور کې راغلي چې د سمندرونو د اوبو سطحې تر ټولو لوړې ثبت شوې کچې ته رسېدلې، د غرونو او قطبي سیمو یخچالونه په ویلې کېدو او کوچني کېدو او له ۲۰۱۴ کال راهیسې د خوږو اوبو زېرمې هم کمې شوې دي.
