کابل کې پر دوو مسافروړونکو موټرو چادونې: ۱۰ تنه وژل شوي او ۱۲ نور ټپیان دي
د ۸صبح پښتو مجله
د کابل ښار د درییمې امنیتي حوزې اړوند د دواخانې ګولایي ته څېرمه پر دوو مسافروړونکو کاستر موټرو د دوو بېلابېلو چاودنو په پایله کې ۱۰ ملکي کسان وژل شوي او ۱۳ نور ټپیان دي.
د کابل د پولیسو ویاند فردوس فرامرز ۸صبح ورځپاڼې ته ویلي، چې د دغو بریدونو په تړاو یې څېړنې پېل کړې دي.
دغه دوه چاودنې د غبرګولي پر یوولسمه ماښام مهال رامنځته شوې دي. لومړۍ چاودنه ۷:۱۵ دقیقې په سر کاریز سیمه کې او دوهمه هغه یې بیا لږ لرې ۸:۱۵ دقیقې د دواخانې ګولايي د الماس غرب کوڅه کې شوې دي.
پولیسو ویلي دغو چاودنو ملکي کسان چې په دوو کاستر موټرو کې سپاره ول، په نښه کړې او په تلفاتو کې د زیاتوالي امکان شته دی.
په تېر کې هم په دغه سیمه کې مسافروړونکي موټر په نښه شوې دي. د دغو چاودنو مسوولیت تراوسه چا نه دی منلی.
