۸صبح، کابل: د ملګرو ملتونو د بشري حقونو شورا د افغانستان لپاره د دغه سازمان د ځانګړي راپور ورکوونکي ریچارډ بېنېټ ماموریت د یو بل کال لپاره غځولی دی.
بېنېټ دوشنبه د تلې پر ۱۳مه په اېکس کې د دې موضوع پخلی کړی او د ملګرو ملتونو د بشري حقونو له شورا یې مننه کړې ده.
بېنېټ ویلي چې د هغه د ماموریت د غځولو پرېکړهلیک به د ۲۰۲۷ کال په جون کې د «پیاوړي شوي تعاملي بحث» ترسراوي ته زمینه برابره کړي.
نوموړي زیاته کړې چې دا بحث به په افغانستان کې د جنسیت اړوندو اندېښنو باندې تمرکز ولري.
د ملګرو ملتونو ځانګړي راپور ورکوونکي ویلي چې د دغه پرېکړهلیک له مخې دنده ورسپارل شوې چې په افغانستان کې د «لږکیو» د وضعیت په اړه ارزونه چمتو او د ۲۰۲۷ کال په سپټمبر کې یې وړاندې کړي.
په کې افغانستان د بشري حقونو د وضعیت په اړه د پرېکړهلیک مسوده هم د بشري حقونو په شورا کې له رای اچونې پرته تصویب شوې ده.
