۸صبح، ننګرهار: په ننګرهار کې سیمهییزې سرچینې وايي چې په دغه ولایت کې ناپېژانده کسانو د یوه سوداګریز مرکز خاوند او صراف تښتولی دی.
سرچینو دوشنبه د غبرګولي پر ۷مه ویلي چې دا کس حاجي لونګین نومېده او پرون له غرمې وروسته د ننګرهار له مرکز جلالاباد ښاره وتښتول شو.
د سرچینو په وینا، حاجي لونګین د «سپین غر ټاور» خاوند دی.
سرچینو په دې تړاو نور معلومات ورنه کړل.
په ننګرهار کې هم تراوسه ځايي طالب چارواکو په دې تړاو څه ویلي نه دي.
بل پلو، ناپېژانده وسلهوالو پرون د مزارشریف ښار دویمې ناحیې پورې اړوند سیمې څخه یو ماشوم وتښتاوه.
دا ماشوم په مزار شریف ښار کې د حاجي حمیدالله په نوم د یو سوداګر زوی دی.
