۸صبح، ننګرهار: د ننګرهار سیمهییزې سرچینې وايي، په دغه ولایت کې د یوه ځوان هلک مړی موندل شوی چې په مرموز ډول وژل شوی دی.
سرچينې زياتوي چې د دې ځوان مړى سېشنبه د زمري پر ۱۶مه د ننګرهار ولايت د کوزکونړ ولسوالۍ اړوند سیمې په یوه پټي کې موندل شوی دی.
د دې کس هويت نه دی په ډاګه شوی؛ خو سرچينې زياتوي چې پر بدن يې د چړې د ټپونو نښې ليدل کېږي.
سرچينې ویلي چې دا ځوان څلور ورځې مخکې نادرکه شوى و.
طالبانو تر اوسه په دې تړاو څه نه دي ویلي.
په دې وروستیو کې د هېواد بېلابېلې سیمې د جنايي پېښو شاهدې دي.
د یادونې ده چې تېره ورځ هم ناپېژاندو وسلهوالو د ننګرهار مرکز جلالاباد ښار په څلورمه ناحیه کې یوه مېرمن په ډزو ووژله.
