۸صبح، کابل: د موسیقۍ نړیوالې شورا له هنرمندانو سره د طالبانو چلند او افغانستان کې د موسیقۍ منع کول غندلي دي.
د موسیقۍ نړیوالې شورا چهارشنبه د لیندۍ پر ۲۳ د یوې اعلامیې په خپرولو ویلي، چې پر افغانستان د طالبانو له واکمنېدو وروسته خلک له موسیقۍ د ګټې اخیستو له حق څخه بې برخې شوې دي.
دغې شورا په افغانستان کې د موسیقۍ بشپړ ممنوعیت غندلی او د بشري حقونو له اعلامیې یې سرغړونه بللې ده.
د موسیقۍ د نړیوالې شورا په وینا طالبانو د خپلې لومړۍ دورې واکمنۍ په څېر افغانستان پر له چوتیاوو ډک هېواد بدل کړی او ماشومان او لویان یې له موسیقۍ بې برخې کړي دي.
د موسیقۍ نړیوالې شورا ویلي، چې افغان سندرغاړي او هنرمندان له دوامداره ګواښونو سره ژوند کوي او اجازه نه لري د موسیقۍ له لارې د خپل ژوند اړتیاوې پوره کړي.
د دې شورا په باور طالبانو په افغانستان کې پر فرهنګي نسل وژنې لاس پورې کړی او په ځینو مواردو کې یې له غږوونکو سره د جنایتکارو په توګه چلند کړی او وهلي ټکولي یې دي.
د ویلو ده، چې طالبانو پر افغانستان له واکمنۍ راهیسې موسیقي منع کړې ده.
