د ایران سپاه پاسداران ادعا کړې چې په کویټ کې یې پر دوو هوایي اډو برید کړی او د تېلو د ټانکرونو او د پاتریوټ هوايي دفاعي سیسټمونو په ګډون یې څو پوځي تاسیسات په نښه کړي دي.
سپاه پاسداران یکشنبه د چنګاښ پر ۲۱مه په یوه خبرپاڼه کې ویلي، چې دا بریدونه د هغوی د هوايي او فضایي ځواکونو له خوا او د ایران پر وړاندې د امریکا د پوځي اقدام په غبرګون کې، د «سترګه د سترګې په بدل کې» د عملیاتو په درېیم پړاو کې شوي دي.
د سپاه پاسداران د خبرپاڼې له مخې، په دغو بریدونو کې د «عليالسالم» او «احمد الجابر» هوایي اډې په نښه شوې دي او د تېلو ټانکرونو، د پاتریوټ هوايي دفاعي سیسټمونو او د رادار یوه سټراټېژیک سیسټم ته زیان رسېدلی دی.
سپاه پاسداران ویلي چې دا عملیات لا هم دوام لري، خو د بریدونو د دقیق وخت او د اوښتو زیانونو د کچې په اړه یې نور جزئیات نه دي ورکړي.
دغه بنسټ همداراز امریکا ته په هرمز تنګي کې د پوځي حضور د دوام په تړاو خبرداری ورکړی او ویلي یې دي چې ایران به پر دې سمندري لاره د «بهرنۍ پوځي مداخلې» د دوام اجازه ورنه کړي.
