په امریکا کې یوې نوې نظرپوښتنې ښودلې چې ۷۹ سلنه ځوابورکوونکي باور لري، د امریکا او ایران جګړه به د اوږدې مودې لپاره دوام وکړي.
رویټرز دوشنبه د جولای پر ۱۳مه، راپور ورکړی چې دا نظرپوښتنه د رویټرز او ایپسوس له خوا په ګډه د امریکا په بېلابېلو سیمو کې له ۱۰۱۹ بالغو کسانو ترسره شوې ده.
د دې نظرپوښتنې له مخې، ۳۷ سلنه ځوابورکوونکو د ایران پر ضد د امریکا د پوځي بریدونو ملاتړ کړی او د اوږدمهالې جګړې د دوام تمه د مارچ میاشتې په وروستیو کې له ۶۵ سلنې ۷۹ سلنې ته لوړه شوې ده.
په دې نظرپوښتنه کې یوازې ۱۸ سلنه ځوابورکوونکو ویلي چې دوی فکر کوي جګړه به «ډېره ژر او په څو اوونیو کې پای ته ورسېږي.»
همداراز، په دې نظرپوښتنه کې شاوخوا ۳۷ سلنه ځوابورکوونکو د ایران پر ضد د امریکا پوځي بریدونه تایید کړي دي.
