۸صبح، کابل: ایراني چارواکي وايي چې د روان کال په شپږو لومړیو میاشتو کې یې دغه هېواد ته د ۱۴۵ زرو ۵۲۰ افغانانو د ناقانونه ننوتلو مخه نیولې ده.
ایرنا خبري اژانس چهارشنبه د تلې پر ۸مه راپور ورکړی چې د خراسان رضوي د پولې قوماندان مجید شجاع ویلي چې دا کسان د روان کال له پیله تر اوسه د دغه هېواد په پولو کې پېژندل شوي او د ننوتلو مخنیوی یې شوی دی.
شجاع زیاته کړې چې د تېر کال په شپږو لومړیو میاشتو کې ۳۹ زره او ۳۱۱ افغانان د خراسان رضوي په پولو کې له نیول کېدو وروسته له ایرانه ایستل شوي دي.
هغه ویلي چې د تېر کال پرتله د سږکال شمېرې ښيي، هغه کسان چې له ننوتلو یې مخنیوی شوی، ۴.۵ سلنه ډېر دی.
د مجید شجاع په خبره، د ۱۲ ورځنۍ او وروستیو جګړو له ختمېدو سربېره هم افغانان هڅه کوي ایران ته ورشي.
هغه زیاته کړې چې په ایران کې د اړتیا وړ اسانتیاوو او توکو شته والی که څه هم بیې لوړې شوې، هغه لامل دی چې افغانان لا هم دغه هېواد ته د ننوتلو هڅه کوي.
