د ایران د عامې روغتیا وزارت وايي چې په جون میاشت کې د امریکا د بریدونو له پيل وروسته ۵۳ ملکیان وژل شوي او څه باندې ۵۹۰ نور ټپيان دي.
الجزیرې چهارشنبه د جولای پر ۲۲مه راپور ورکړی چې د ایران د عامې روغتیا وزارت خبر ورکړی چې په وژل شویو کې درې ماشومان هم دي.
د راپور له مخې، دا مرګژوبله د اسلاماباد له تفاهم وروسته بریدونو کې اوښتې ده.
ورته مهال د امریکا مرکزي قوماندانۍ ویلي چې د فبرورۍ په وروستیو کې د جګړې له پیل وروسته لږ تر لږه ۱۸ امریکايي سرتیري وژل شوي او سلګونه نظامیان ټپيان دي.
د ایران او امریکا ترمنځ جګړې پر مهال د ملکي وګړو د مرګژوبلې زیاتېدو د دغه کړکېچ د بشري پایلو په اړه اندېښنې ډېرې کړې او نړیوالو بنسټونو د ملکي وګړو د خوندیتوب او نړیوالو بشري قوانینو ته د پاملرنې پر اړتیا ټینګار کړی دی.
