د ایران د بهرنیو چارو وزارت ویاند اسماعیل بقايي ویلي چې روسیه او چین د امریکا یو اړخیز سیاستونه په سیمه کې د وروستیو تحولاتو عامل ګڼي.
ټاس خبري اژانس یکشنبه د نومبر پر ۱۵مه راپور ورکړی چې بقايي ویلي مسکو او پېکن د واشنګټن له تقابلي تګلارو سره مخالفت لري.
د ایران د بهرنیو چارو وزارت د ویاند په خبره، دواړه هېوادونه د سیمې د اوسني وضعیت په رامنځته کېدو کې د امریکا اقدامات ناقانونه او له ناسنجول شوي ګڼي.
بقايي زیاته کړې چې ایران له خپلو ستراتیژیکو شریکانو، روسیې او چین سره نږدې اړیکې لري او د سیمهییزو مسایلو په اړه له مسکو سره سلا مشورې روانې دي.
د ایران د بهرنیو چارو وزارت ویاند ویلي چې دواړه هېوادونه د ایران له دریځه خبر دي.
