ایران ویلي چې په فارس خلیج کې یې «غچ اخیستونکي عملیات» درولي خو خبرداری یې وکړی چې که د امریکا بریدونه دوام وکړي، د نښتو لمن به تر ټولې سیمې وغځېږي.
الجزیرې یکشنبه د جولای پر ۲۶مه راپور ورکړی چې د ایران د پوځ ویاند محمد اکرمينیا واشنګټن ته د اسراییلو د لومړي وزیر بنیامین نتنیاهو له سفر له وړاندې امریکا ته پيغام استولی دی.
نوموړي ویلي چې ایران په فارس خلیج کې «خپل غچ اخیستونکي عملیات» درولي خو که د امریکا د بریدونو په دوام ښايي د جګړې لمن پراخه شي.
دا په داسې حال کې ده چې د امریکا او ایران ترمنځ ترینګلتیا دوام لري.
د راپورونو له مخې، د امریکا ولسمشر ډونالډ ټرمپ هم پر ایران د نورو بریدونو پلانونه ځنډولي دي.
