د ایران د بهرنیو چارو وزیر عباس عراقچي او د عمان د بهرنیو چارو وزیر بدر البوسعیدي په یوه ټیلیفوني اړیکه کې د سیمې د تحولاتو په اړه خبرې کړې دي.
مهر خبري اژانس پنجشنبه د لړم پر ۱۴مه، راپور ورکړی چې دواړو لورو په دې خبرو کې په سیمه کې د سولې او ثبات د ټینګښت لپاره د ډیپلوماټیکو لارو چارو په اړه نظرونه تبادله کړي دي.
دا ټیلیفوني اړیکه په داسې حال کې ټينګه شوې چې په سیمه کې تاوتریخوالی او نښتې دوام لري او د ترينګلتيا د کمولو او د جګړو د پراخېدو د مخنیوي لپاره ډیپلوماټیکې هڅې روانې دي.
