د ايران د ټاکنو بنسټ اعلان کړی دی چې ابراهيم رئيسي د ۱۷ ميليونه او ۸۰۰ زره رايو په ترلاسه کولو سره د ياد هېواد په ولسمشريزو ټاکنو کې مخکښ دی.
په ايران کې د ولسمشريزو ټاکنو لپاره د رايې چونې بهير د غبرګولي په ۲۸مه جمعه سهار ۷:۰۰ بجې پيل شو او ۲ بجې پايته ورسېد.
د ايران ولسمشريزو ټاکنو ګټلو لپاره د رايو شمېره ۵۹ ميليونه او ۳۱۰ زره او ۳۰۷ اعلان شوې ده.
د ايران د ټاکنو بنسټ اعلان کړی دی چې په د ټاکنو په دې پړاو کې ۲۸ ميليونه او ۶۰۰ زره تنه د رايې اچونې مرکزونو ته تللي دي.
په دې ټاکنو کې عبدالناصر همتي، ابراهیم رئيسي، امير حسين قاضي زاده هاشمي او محس رضايي د ولسمشرۍ څوکۍ لپاره سيالۍ وکړه.
د ايران د ټاکنو بنسټ د اعلان له مخې، ابراهيم رئيسي په څرګند توپير سره له خپلو نورو سيالانو مخکې دی او د لومړنيو پايلو له مخې د ټاکنو د دې پړاو ګټونکی دی.
ياد بنسټ ويلي، محسن رضايي درې ميليونه او ۳۰۰ زره رايې، عبدالناصر همتي څه باندې دوه ميليونه او ۴۰۰ زره رايې او امير حسين قاضي زاده هاشمي يو ميليون رايې ترلاسه کړې دي.
عبدالناصر همتي او محسن رضايي، ابراهيم رئيسې ته د بريا مبارکي ورکړې ده.
د ايران ټاکنې داسې مهال ترسره کېږي چې د ياد هېواد سياسي مخالفينو دا پړاو ټاکنې تحريم کړې دي.
د راپورنو له مخې د ايران ولسمشريزو ټاکنو په دې پړاو کې د خلکو ګډون د نورو ټاکنو په پرتله کمرنګه ؤ.
