د ایران سپاه پاسداران د سیمې په اوبو کې د امریکا د سمندري ځواکونو پر یوې الوتکې وړونکې بېړۍ او یوې جنګي بېړۍ د توغندیز برید خبر ورکړی دی.
تسنیم یکشنبه د سپټمبر پر ۶مه، راپور ورکړی چې سپاه پاسدارانود امريکا پر دغې الوتکې وړونکې بېړۍ او جنګي بېړۍ بالستیک توغندي توغولي دي.
د راپور له مخې، سپاه پاسداران ویلي چې دغ امریکا دغی بېړۍ د ایران پر وړاندې په سمندري محاصره کې برخه لرله.
د ایران د سپاه پاسدارانو د ادعا له مخې، د امريکا الوتکې وړونکې بېړۍ او جنګي بېړۍ له زیانمنېدو او د ایران د بیا برید له وېرې وروسته اړې شوې چې د جګړې له سیمې وتښتي.
دا په داسې حال کې ده چې د امریکا مرکزي قوماندانۍ (سنټکام) هم تېره شپه د امريکا پر یوې الوتکې وړونکې بېړۍ او یوې جنګي بېړۍ د ایران د برید خبر ورکړی و او ویلي یې وو چې په ځواب کې یې د سپاه پاسدارانو اړوند درې د تېلو ټانکرونه ویجاړ کړي دي.
