د ایران سپاه پاسداران په تېرو ۲۴ ساعتونو کې شپږ هغه بېړۍ د خبرداري د ډزو په کولو سره درولې چې غوښتل یې له هرمز تنګي تېرې شي.
ایراني رسنیو يکشنبه د جولای پر ۲۶مه، راپور ورکړی چې سپاه پاسداران د دغو بېړیو د تګ مخه ځکه نیولې چې د تهران لهخوا له ټاکل شوې «لارې بهر» روانې وې.
د راپور له مخې، د شنبې په ورځ هم څلور نورې بېړۍ د «غیرمجاز تګ راتګ» له امله د سپاه پاسدارانو لهخوا درول شوې وې.
د هرمز له تنګي د بېړیو د تېرېدو پر لاره اختلاف د ایران او امریکا ترمنځ د شخړې له مهمو موضوعاتو دی؛ هغه موضوع چې په سیمه کې يې د کړکېچونو په زیاتېدو سره اهمیت هم ډېر شوی دی.
