۸صبح، کابل: له پولیو پاک افغانستان بنسټ وايي، تر هغې چې پولیو ویروس په یوې سیمه کې وي، ماشومان ترې په هره سیمه کې له ګواښ سره مخ کېدای شي.
نوموړي بنسټ پنجشنبه د تلې پر ۳۰مه په اېکس پاڼه کې له خلکو غوښتي چې د ټولو ماشومانو د واکسینولو په برخه کې همکاري کړي څو ډاډ ترلاسه شي چې هېڅ ماشوم له واکسین بې برخې پاتې نه شي.
دا په داسې حال کې ده چې دا ویروس لا هم په افغانستان کې شته او ملګرو ملتونو د څو مثبتو پېښو د ثبت خبر ورکړی دی.
د روغتیا نړیوال سازمان ویلي و چې د ۲۰۲۶ کال په اوږدو کې په افغانستان کې د پولیو د لومړۍ بڼې ۴۲ پېښې ثبت شوې دي.
د ملګرو ملتونو د راپور له مخې، د روان کال په اوږدو کې په افغانستان کې د پولیو ۴۲ او په پاکستان کې شپږ مثبتې پېښې ثبت شوې دي.
