۸صبح، غور: په غور کې د درېیو طالب جنګیالیو وژل کېدو سره جوخت داعش د یوې اعلامیې په خپرولو سره د دغه برید مسوولیت منلی دی.
داعش شنبه د تلې پر ۲۱مه د دغې ډلې په ټیلیګرام چینلونو کې په خپره شوې خبرپاڼه کې ویلي چې پر طالبانو برید کې د دغې ډلې درې تنه جنګیالي وژل شوي او څلور نور ټپیان دي.
داعش زیاته کړې چې دا برید د غور ولایت د چهارسدې – فیروزکوه پر لویه لاره ترسره شوی دی.
تر دې مخکې سرچینو ۸صبح ورځپاڼې ته په غور ولایت کې د درېیو کسانو د وژل کېدو خبر ورکړی و.
د یادونې ده چې د مقاومت جبهې هم په دغه ولایت کې د څلورو طالب جنګیالیو د وژلو ادعا کړې ده.
په غور کې طالبانو تر اوسه په دې اړه څه نه دي ویلي.
