د غزې تړانګې په بېلابېلو سیمو کې د اسراییلي ځواکونو د بریدونو او ډزو له امله د یوې ښځې په ګډون پنځه فلسطینیان ټپیان شوي دي.
اناتولي خبري اژانس یکشنبه د نومبر پر ۸مه راپور ورکړی چې د غزې په شمال کې پر ملکي وګړو د اسراییلو د بېپیلوټه الوتکې په برید کې څلور فلسطینیان ټپیان شوي چې د یوه روغتیايي وضعیت د اندېښنې وړ بلل شوی دی.
د راپور له مخې، اسراییلي ځواکونو یوه ښځه هم د خانیونس په ختیځ کې د حمد په استوګنیز ښارګوټي کې ویشتلې او ټپي کړې یې ده.
عیني شاهدانو ویلي چې د اسراییلو پوځي موټرو د خانیونس د سویلي سیمو او د رفح په لوېدیځ کې د الشاکوش سیمې پر لور ډزې کړې دي.
د غزې د روغتیا وزارت اعلان کړی چې د ۲۰۲۵ کال د اکتوبر پر ۱۰مه د اوربند له ټینګېدو راهیسې یو زرو ۶۱۰ فلسطینیان وژل شوي او نږدې شپږ زره نور ټپیان شوي دي.
