جاپان د نړی تر ټولو لـوړه ودانۍ جوړوي

جاپان د سکايي ماييل ټاور په نوم د نړۍ تر ټولو لوړې ودانۍ د جوړولو اعلان کړى دى، دا ودانۍ به د برج خليفه نه دوه برابره لوړه وي.
جاپان وايي چې مونږ د برج خليفه نه لوړه ودانۍ جوړوو چې لوړوالی به یې پنځه زره او پنځه سوه ۷۷ فوټه وي.
د دوبۍ د برج خليفه لوړوالی دوه زره اووه سوه او لس فوټه دى. د جاپان دولت وايي چې نړۍ ته د موسمي بدلون نه خطر دى او دا ودانۍ هم له دغه خطره د ژغورلو په موخه جوړېږي.
په سکايي ماييل ټاور کې به ګڼ شمېر پلورنځي، رستورانونه، هوټلونه، سپورتي کلپونه، صحي کلينکونه او نورې عصري برخې موجودې وي، چې۵۵ زره وګړي به ترې ګټه پورته کوي.
د جاپاني رسنيو د خبرونو له مخې، د سکايي ماييل ټاور د جوړولو کار به په ٢٠٤٥م کال کې بشپړ او په دغه ودانۍ کې به د پنځه سوه زره وګړو د اوسېدو لپاره زمینه برابره شي.