۸صبح، کابل: د قزاقستان د بهرنیو چارو وزیر مختار تیلیوبردي ویلي چې د افغانستان تحولات او د ترهګرو او افراطي شبکو فعالیتونه د سیمې ثبات ګواښي.
تیلیوبردي چهارشنبه د لړم پر ۲۷مه، ټینګار کړی چې د دغو ګواښونو د مخنیوي لپاره د نړیوالې ټولنې همغږي غبرګون ته اړتیا ده.
د قزاقستان د بهرنیو چارو وزیر دا څرګندونې د شومان د امنیت او دفاع په درېیمه غونډه کې کړې دي.
قزاقستان یو ځل بیا له افغانستان سره په اقتصادي، بشري او پراختیايي برخو کې د همکارۍ پر دوام ټینګار کړی دی.
د دغه هېواد د بهرنیو چارو وزیر زدهکړه، روغتیا، ترانسپورټ او د بنسټونو پیاوړتیا د افغانستان د پراختیا لپاره د ملاتړ لومړیتوبونه بللي دي.
تیلیوبردي د افغانستان د پرمختګ په برخه کې د نړیوالو همکاریو د پیاوړتیا لپاره په الماتا کې د ملګرو ملتونو له سیمهییز مرکزه د لا ډېرې ګټې اخیستنې غوښتنه کړې.
هغه همداراز له نړیوالو بنسټونو سره په همکارۍ د افغان ښځو لپاره د ښوونیزو پروګرامونو پر پراختیا ټینګار کړی دی.





