د ایران د خاتمالانبیا مرکزي قرارگاه اعلان کړی چې د ترلاسه شویو معلوماتو له مخې، امریکا د سیمې د ځینو هېوادونو په ملاتړ پر ایران د بیا پوځي اقداماتو لپاره چمتووالی نیسي او خبرداری یې ورکړی چې هر ډول برید به د ایران له غبرګون سره مخ شي.
مهر خبري اژانس یکشنبه د سپټمبر پر ۲۰مه د خاتمالانبیا قرارگاه د خبرپاڼې په خپرولو ویلی چې د سیمې د ځینو هیوادو له لوري د شین څراغ په ښودلو امریکا پرېکړه کړې چی په یوه اروپايي هېواد کې د ګډې غونډې پر مهال د ایران پر ضد اقدامات بیا پیل کړي.
په خبرپاڼه کې راغلي چې امریکا د خپلو ماتو د پټولو او د نویو لاسته راوړنو د ترلاسه کولو لپاره د ایران د اسلامي جمهوریت پر وړاندې د ګامونو د بیا پیلېدو په لټه ده.
د خاتمالانبیا مرکزي قرارگاه خبرداری ورکړی چې که امریکا د ایران پر وړاندی پوځي ګام واخلی، په سیمه کې به د دغه هېواد اډې د بریدونو موخه وګرځي.
یادې قرارگاه د سیمې هېوادونو ته هم خبرداری ورکړی چې که د ایران پر وړاندې د امریکا له هر ډول ګام سره ملتیا وکړي، شریک به وبلل شي او د ایران وسلهوال ځواکونه به «زغم» ونه کړي.
