د پاکستان تحریک انصاف (پيټيای) ګوند اعلان کړی چې د خیبر پښتونخوا اعلی وزیر سهیل اپریدي، د دغه ایالت د ایالتي شورا رییس بابر سلیم سواتی او د ګوند ایالتي مشر جنید اکبر خان نیول شوي دي.
دغه ګوند یکشنبه د اکتوبر پر ۱۱مه اعلان کړی چې یاد کسان په خیبر پښتونخوا کې د بېړني حالت تر اعلان وروسته نیول شوي دي.
جنید اکبر پر اېکسپاڼه په یوه خپاره کړي پیغام کې لیکلي چې په خیبر پښتونخوا کې د دغو کسانو نیول ښيي چې په پاکستان کې فاشیزم تر کومې کچې پراخ شوی دی.
هغه زیاته کړې چې د ډیموکراسۍ ارزښتونه، اساسي قانون، د قانون واکمنې او د خلکو رایې پرلهپسې تر پښو لاندې کېږي.
د پاکستان ولسمشر اصف علي زرداري د کابینې د وړاندیز تر تایید وروسته، په خیبر پښتونخوا کې بېړنی حالت اعلان کړی دی.
دا پرېکړه د سیاسي کړکېچ او د پاکستان د پخواني لومړي وزیر عمران خان د پلویانو د اعتراضونو د زیاتېدو په غبرګون کې شوې ده.
