کوډګر ریالیزم د (Magic Realism) او (Marvelous Realism) په نومونو هم پېژندل کېږي. دا په ادبي نړۍ کې د داستان لیکنې په برخه کې یو ځانګړی سټایل دی. په کوډګر ریالیزم کې د کیسې پېښه د واقعیت سربېره په ځینو اسطورو او غیر طبیعي رنګونو باندې رنګ شوې وي، چې همدې ته یې جادويي عناصر یا Magical Elements ویل کېږي. کوډګر ریالیزم د داستان په برخه کې اوس زیات مینوال لري او معمولا د ناول او ډرامو په چوکاټ کې کارول کېږي. کوډګر ریالیزم د تخیلي داستان په خلاف وي او هڅه پکې کېږي، چې ریښتینې پېښه په ریښتینې بڼه وړاندې کړي او جادويي عناصر هم ورسره د یادې پېښې د ښه روښانتیا او Support لپاره وکاروي.
ګابریل ګارسیا مارکیز د یاد مکتب په سرلارو لیکوالو کې راځي، چې په همدې سبک یې ځینې ډېر بهترین اثار پنځولي دي. مشهور او د نوبل جایزې ګټوونکی اثر یې (د یوازیتوب سل کاله) (One Hundred Years of Solitude) دی چې د نړۍ په کچه مینوال لري او په څو نړیوالو ژبو هم ژباړل شوی دی.
په پښتنو ناول لیکونکو کې د نصیر احمد احمدي د (جو جو) ناول تقریبا په همدې سبک لیکل شوی دی، که چا لوستی وي، نو هرومرو به یې په یاد ناول کې د کوډګر ریالیزم څرکونه، خوند او اغېز درک کړی وي.
تر ټولو ډېر کتل شوي مطالب
-
خلیلزاد: امریکا دې د افغانستان د پاشل کېدو د مخینوي په موخه له طالبانو سره تعامل وکړي
-
د امریکا د بهرنیو چارو وزیر سمرقند ته تللی
-
داعش خراسان؛ په تېرو ۹ کلونو کې د رهبرۍ جوړښت او لړۍ
-
په بادغیس کې نښته؛ سرچینې د دوو طالبانو د وژل کېدو خبر ورکوي
-
په هالنډ کې د ازبکي ژبې د ملي ورځې د نمانځنې مراسم ترسره شول
پادکست
د امتياز څښتن: سنجر سهيل
اجرائیوي رئیس: پروېز کاوه
د کتونکې ډلې مشر: بهیر
پته: کابل، افغانستان