۸صبح، کابل: د مقاومت جبهې مشر د بغلان په اندراب کې له طالبانو سره په جګړه د دغې جبهې د دوو قوماندانانو او د هغوی د کسانو د وژل کېدو په غبرګون کې ویلي، چې له طالبانو غچ اخلي.
د مقاومت جبهې ویاند احمد مسعود دوشنبه شپه د مرغومي پر پنځمه نېټه پر خپلې فېسبوکپاڼې د یوه پیغام په خپرولو د طالبانو پر ضد تر وروستۍ ګولۍ پورې د قوماندان خیرخواه او د هغه د ملګرو له جګړې ستاینه کړې ده.
مسعود ویلي: «دښمنان دې پر دې پوه شي، چې په شهید ورکولو له منځه نه ځو او کومه لار چې مو غوره کړې نه ترې ستنېږو.»
د ویلو ده، چې قوماندان خیرمحمد خیرخواه د بغلان په اندراب کې له طالبانو سره له ۳۰ ساعته نښتې وروسته له خپلو ۲۰ کسانو سره ووژل شو. په دې نښته کې ۳۰ طالبان هم مړه او ۲۸ نور ټپیان شول.
