د ایران ولسمشر مسعود پزشکیان او د قطر امیر شیخ تمیم بن حمد الثاني په روسیه کې د ګازو صادرونکو هېوادونو د سرمشریزې په څنډه کې خبرې کړې دي.
ایراني رسنیو سهشنبه د اکتوبر پر ۲۷مه راپور ورکړی چې په دې لیدنه کې د دوهاړخیزو اړیکو د پراختیا او د انرژۍ په برخه کې د ګډو همکاریو د پیاوړتیا پر لارو چارو خبرې شوې دي.
د راپور له مخې، دواړو د سیاسي او اقتصادي اړیکو پر پراختیا او د دوهاړخیزو همکاریو د کچې لوړولو لپاره له شته ظرفیتونو پر ګټنې هم ټینګار کړی دی.
د انرژۍ په برخه کې همکاري، د سوداګریزو اړیکو پراختیا او د ګازو د صادرونکو هېوادونو ترمنځ د همغږۍ پیاوړتیا هم د دې لیدنې د اجنډا برخې وې.
