۸صبح، کابل: د امریکا د بهرنیو چارو وزارت ویاند متیو مېلر وايي چې هېواد یې د خپلو ګټو پربنسټ له طالبانو سره تعامل کړی دی.
مېلر دا څرګندونې سهشنبه د لیندۍ پر ۲۷مه په یوې خبري غونډه کې مطرح کړې دي.
هغه ویلي چې د امریکا د ګټو د اړتیا په صورت کې به د طالبانو او سوریې وسلهوالو په ګډون له ترهګریزو سازمانونو سره تعامل وکړي.
د امریکا د بهرنیو چارو وزارت ویاند زیاته کړې چې واشنګټن چمتو دی څو د سوریې له وسلهوالې ډلې سره تعامل وکړي.
امريکا په وار وار ويلي چې له طالبانو سره تعامل کوي، خو دا ډله په رسميت نه پېژني.
واشنګټن څو ځلې له طالبانو غوښتي چې د دوحې تړون ته غاړه کېږدي او بشري حقونو ته درناوی ولري.
دا په داسې حال کې ده چې طالبانو پر افغانستان له درې کلنې واکمنۍ وروسته، له بشري په ځانګړې توګه د ښځو له حقونو څخه په پراخه کچه سرغړونه کړې او د یو ټولګډونه دولت جوړول یې له پامه غورځولي دي.
