۸صبح، کابل: د افغانستان لپاره د پاکستان ځانګړي استازی محمد صادق وايي چې د افغانستان لپاره د ایران له ځانګړي استازي سره یې د دغه هېواد پر وروستیو پرمختګونو او وضعیت خبرې کړې دي.
صادق دوشنبه د لړم پر ۲۵مه په اېکس پاڼه کې لیکلي چې د افغانستان لپاره د ایران له ځانګړي استازي محمدرضا بهرامي سره یې په اسلاماباد کې لیدلي او پر ګډو مسایلو بحث کړی دی.
نوموړي زیاته کړې چې په دې لیدنه کې یې پر وروستیو سیمه ییزو تحولاتو او د افغانستان پر وضعیت خبرې کړې دي.
هغه د ګډو اندېښنو په اړه د دواړو هېوادونو ترمنځ د تعامل د دوام پر ارزښت ټينګار کړی دی.






