د ایران د ملي امنیت شورا منشي محسن رضايي وايي چې تهران دا مهال له واشنګټن سره خبرې نه لري او هرمز تنګی به تر هغې تړلی وي چې د ایران اووه وړاندې شوي شرطونه ونه منل شي.
تسنیم خبري اژانس سهشنبه د نومبر پر ۱۰مه راپور ورکړی چې رضايي په قطر کې د مذاکراتو د دوام یا ناستې په اړه د امریکا ادعاوې «دروغ» بللې دي.
نوموړي ویلي چې دا ډول ادعاوې د اقتصادي فشارونو او تېلو بیو د کمولو لپاره کېږي.
رضايي زیاته کړې چې ایران اووه څرګند شرطونه د دغه هېواد د خلکو د حقونو په توګه امریکايي لوري ته سپارلي دي.
د نوموړي په خبره، دغو شرطونو ته د امریکا لومړنی ځواب تېرایستونکی و او تهران لا هم د څرګند او روښانه ځواب په تمه دی.
د ایران د ملي امنیت شورا منشي د امریکا له مرستیال ولسمشر جيډي ونس سره د پلان شوې لیدنې په اړه خپرې شوې اوازې بې بنسټه بللې دي.
