ختیځ کې د ۲۰۱ سېلاب قل اردو مطبوعاتي دفتر وایي، تېره شپه امنیتي ځواکونو د دې ولایت د خوږیاڼو ولسوالۍ «کېلغو» سیمه کې د طالبانو ډرون کمره په نښه کړې ده.
دغه قل اردو زياتوي، طالبانو د دې کمرې په واسطه په امنیتي ځواکونو باندې د هاوان بریدونه ترسره کول.
د يادې قل اردو ویاند سید مقصود اخندزاده په وينا، دغه کمره داسې مهال ویشتل شوې چې طالبانو غوښتل ددې په وسيله د سيمه ييزې اردو څوارلسم ټولي باندې د هاوان برید ترسره کړي.
د ننګرهار د والي وياند عطاالله خوږياڼي په خپل ټوېټر ياد خبر تائيد کړی دی.
سرچینې وايي، ياده کمره داسې عیاره شوې وه چې چاودېدوونکي توکې ولېږدوي او ټاکلې موخې په نښه کړي.