اټکلونه ښيي چې له روسیې سره د جګړې په دوام سره به په ۲۰۲۷ کال کې د اوکرایین پوځي لګښتونه د ورځې ۴۷۳ میلیونو ډالرو او په ټولییز ډول په کال کې نږدې ۱۷۳ میلیاردو ډالرو ته ورسېږي.
ټاس خبري اژانس یکشنبه د اکتوبر پر ۲۵مه راپور ورکړی چې دا اټکل د اوکرایین د مالیې وزارت د راپورونو پر بنسټ شوی دی.
په دې کې یوازې پوځي لګښتونه شامل دي چې د فعالو سرتېرو معاشونه او د پوځ لپاره د پوځي تجهیزاتو، مهماتو او نورو اړینو وسایلو پېرل پکې راځي.
د جګړې د پخوانیو سرتېرو او د وژل شویو نظامیانو د کورنیو د ټولنیز ملاتړ لګښتونه، د هغو دفاعي سنګرونو جوړول چې د دفاع وزارت یې مسوولیت نه لري او نور دولتي لګښتونه په دې محاسبه کې نه شته.
د راپور له مخې، اوکرایین په ۲۰۲۶ کال کې په اوسط ډول هره ورځ ۳۰۰ میلیونه ډالره پوځي لګښت کړی دی.
په دې کې د اوکرایین د دفاع وزارت هغه اضافي غوښتنې نه شته چې د کال په پای کې یې مطرح کړې دي.
