۸صبح، کابل: د طالبانو د لوړو زدهکړو وزیر ندامحمد ندیم پنجشیر ته د سفر په ترڅ کې د علم پر ارزښت ټینګار کړی او له محصلانو یې غوښتي چې له سیاسي او حزبي فعالیتونو ډډه وکړي.
باختر خبري اژانس یکشنبه د وږي پر ۲۲مه راپور ورکړی چې ندیم له محصلانو غوښتي چې د سوداګرۍ، طب او انجنیرۍ په برخو کې متخصصان شي او ترڅنګ یې دیني علوم هم زده کړي.
په راپور کې راغلي چې ندیم دا څرګندونې د پنجشیر پوهنتون له استادانو او محصلانو سره په ناسته کې کړې دي.
له دې مخکې ۸صبح ورځپاڼې ته یو لیک استول شوی و او طالبانو امر کړی و چې د هېواد په خصوصي پوهنتونونو کې دې په تدریج د حقوقو، سیاسي علومو او نړیوالو اړیکو څانګې حذف شي.
د طالبانو د لوړو زدهکړو وزیر پر یووالي، استادانو او علماوو ته پر درناوي او په پوهنتونونو کې له حزبي او سیاسي فعالیتونو څخه پر ډډه کولو ټينګار کړی دی.
دا په داسې حال کې ده چې طالبانو په تېرو پنځو کالو کې نجونو له پوهنتونې زدهکړو راګرځولې او همداراز یې له شپږم ټولګي پورته ښوونځيو کې د نجونو پر زدهکړو بندیز لګولی دی.
