د اسراییل لومړی وزیر بنیامین نتنیاهو وايي چې هېواد یې د لبنان په سویلي سیمو کې د زېربناوو ویجاړولو ته چې خپله «امنیتي سیمه» یې بولي، دوام ورکوي.
الجزیرې دوشنبه د سپټمبر پر ۱۴مه راپور ورکړی چې نتنیاهو وروسته له هغې چې اسراييلي ځواکونو د «بوفورت کلا او علی الطاهر د غرونو لړۍ» ونیوله، دا یې اسراییلو ته لویه بریا بللې ده.
نتنیاهو په خواله شبکې کې یوه پیغام کې ویلي چې اسراییل به په دغو سیمو کې عملیاتو ته دوام ورکړي.
نتنیاهو او د دغه هېواد د دفاع وزیر د پنجشنبې پر ورځ ویلي و چې اسراييلي ځواکونه به د لبنان په سویل کې پاتې شي څو په دغو سیمو کې د حزبالله له بیا ځای پر ځای کېدو مخنیوی وکړي.
اسراییل له ۲۰۲۳ کال راهیسې د لبنان په سویل باندې بریدونه کوي او هلته یې څو ستراتېژيک ځایونه لاندې کړې دي.
د لبنان حکومت په وار وار له اسراییل غوښتي چې له دغه هېواده خپل ځواکونه وباسي.
