۸صبح، کابل: د روغتيا نړيوال بنسټ (WHO) په اونۍ کې د پنځه ساعته ورزش لارښوونه کړې ده، خو د کاليفورنيا پوهنتون پر ۵۰۰۰ کسانو د يوې اوږدې څېړنې په پايله کې بل څه ويلي دي. له دغو کسانو څخه د ۳۰ کلونو په موده کې پوښتنه شوې ده چې په اونۍ کې څو ساعته ورزش وکړي.
به دغه څېړنه کې نيمايي ګډونوال تور پوستي امريکايان ؤ او د نارينهؤ په پرتله د ښځو برخه ډېره وه. د دغې څېړنې په پايله کې راغلي چې، ټولې ډلې د وخت په تېرېدو سره د هغه وخت په پرتله چې ځوانان ؤ، لږ ورزش يې ترسره کړی او څومره چې يې ورزش جدي نه دی ګڼلی نو هغومره يې د وينې فشار پورته شوی دی.
دغې څيړنيزې ډلې وړانديز کړی چې د ورزشي ساعتونو موده بايد وغځول شي. پوهان وايي هغه ځوانان چې د ۱۸ – ۳۰ کلونو ترمنځ عمرونه لري بايد په اونۍ کې پنځه ساعته ورزش وکړي، څو په بوډاتوب کې سالم پاتې شي.
