ننګرهار کې د داعش د هدفي وژنو ۵ کسیزه ډله نیول شوې ده
۸صبح، ننګرهار، راپور: حفيظ الله علي خېل
ملي امنیت ځانګړو ځواکونو په ننګرهار ولایت کې د داعش د هدفي وژنو ۵ کسیزه ډله نیولې ده.
د ملي امنیت له لوري ۸صبح ته په راستول شوې خبرپاڼه کې راغلي، ځانګړو ځواکونو تېره شپه د چپرهار ولسوالۍ، «سره قلعه» سیمه کې ځانګړي شپني عملیات ترسره کړي چې په ترڅ کې یې د داعش ډلې د هدفي وژنو ۵ غړي نیول شوي.
خبرپاڼه زیاتوي، چې نیول شويو کسانو په جلال اباد ښار کې دولتي مامورین په نښه کول او بیا به یې ډېر په بې رحمۍ سره ترور کول.
