۸صبح، کابل: د ملګرو ملتونو د بشري مرستو د همغږۍ دفتر (اوچا) اعلان کړی چې ناروې د افغانستان له بشري صندوق سره څه باندې یو میلیون امریکايي ډالره مرسته کړې ده.
اوچا دوشنبه د وږي پر ۳۰مه، پر خپله اېکس پاڼه اعلان کړی چې ناروې له افغانستان سره د ناورې ۱۵ میلیونه کرونه مرسته کړې ده چې ۱.۶۳ میلیونه امریکايي ډالره کېږي.
د اوچا په وینا، دغه مرسته به په ټول افغانستان کې د زیان ګالو او له بشري ناورینونو د اغېزمنو کورنیو په ګډون د میلیونونو کسانو اړتیاوو ته د بشري غبرګون د دوام لپاره وکارول شي.
افغانستان لا هم له یوه تر ټولو پراخ بشري ناورین سره مخ دی.
وچکالي، بېوزلي، د کورنیو بېځایه کېدل، د کډوالو بېرته راستنېدل او د طبیعي پېښو پر وړاندې زیامنتیا د هېواد په بېلابېلو برخو کې بشري مرستو ته اړتیا ډېره کړې ده.
