د امریکا ولسمشر جو بایډن په راتلونکو ولسمشریزو ټاکنو کې له نوماندۍ تر تېرېدو وروسته د دغه هېواد مخکېني ولسمشر بارک اوباما ویلي چې نوموړي په نړۍ کې د واشنګټن دریځ راژوندی کړی دی.
اوباما دوشنبه د جولای پر ۲۲مه په یوې خپرې کړې ویناپاڼه کې ویلي چې بایډن د امریکا یو له «مهمو» ولسمشرانو څخه و.
نوموړي زیاته کړې: «جو بایډن زما ملګری او دوست دی او دغه راز، د امریکا یو له مهمو ولسمشرانو څخه و. نن یو ځل بیا راپه یاد شوه چې هغه لومړی درجه ملي و.»
د هغه په وینا، په نړیواله کچه نوموړي (بایډن) د امریکا او ناټو دريځ ژوندی کړ او نړۍ یې «پر اوکراین د روسیې یرغل» ته د درېدو لپاره راټوله کړې ده.
جو بایډن بيګاه شپه اعلان وکړ چې د امریکا ۲۰۲۴ کال ولسمشرۍ ټاکنو له نوماندۍ تېر شوی دی.
وروسته د سپینې ماڼۍ ویاند هم وویل چې بایډن به خپله د ولسمشرۍ دوره پای ته رسوي.
