۸صبح، کابل: د ملګرو ملتونو د بشردوستانه مرستو د همغږۍ دفتر (اوچا) ویلي چې په افغانستان کې پرلپسې ښوونیزې ننګونې د ماشومانو راتلونکې له ګواښ سره مخ کوي.
نوموړي بنسټ یکشنبه د وږي پر ۸مه په اېکس پاڼه کې لیکلي چې غوره راتلونکې ته د رسېدو لپاره زدهکړه د ژغورنې لار ده خو په افغانستان شته ننګونې یې ګواښي.
اوچا ویلي چې د ښوونیزو اسانتیاوو، مناسبو درسي ټولګیو، زدهکړو ته د غوره چاپېریال او د اړینو ښوونکو نشتوالی هغه ننګونې دي چې په افغانستان کې یې د زدهکړو بهیر له ستونزو سره مخ کړی دی.
دغه سازمان ټینګار کړی چې د زدهکړو په برخه کې دوامداره پانګونه اړینه ده، څو نجونې او هلکان وکړای شي زدهکړې وکړي، وده وکړي او راتلونکي ژوند ته چمتو شي.
