۸صبح، کابل: د ملګرو ملتونو د بشردوستانه مرستو د همغږۍ دفتر (اوچا) ویلي چې د افغانستان په ګوټ ګوټ کې خلک د اوبو له تخلیه شویو سرچینو او اقلیمي فشارونو سره مخ دي.
اوچا یکشنبه د چنګاښ پر ۷مه په خپله اېکس پاڼه کې لیکلي چې سږنيو بارانونو یو څه تسکین رامنځته کړی دی.
اوچا ویلي چې بیا هم یو ښه فصل نه شي کولی پنځه کلنه وچکالي جبران کړي.
یاد بنسټ زیاته کړې چې خلک په ټول افغانستان له ناڅرګند وضعیت سره مخ دي چې راتلونکی فصل به څه وشي که نه.
دا په داسې حال کې ده چې اوچا په دې وروستیو کې د افغانستان لپاره د ۱۷ سلنې بشردوستانه بودیجې د ترلاسي خبر ورکړی و.
