ټاکل شوې چې د امریکا لومړۍ مېرمن ملانیا ټرمپ په سپینه ماڼۍ کې د روسیې او اوکرایین له استازو سره وګوري.
ټاس خبري اژانس سهشنبه د نومبر پر ۳مه راپور ورکړی چې سپینې ماڼۍ په یوې خپاره کړي بیان کې دا لیدنه «د امریکا په تاریخ کې استثنايي» بللې ده.
د بیان له مخې، ملانیا ټرمپ به په دې لیدنه کې د خرسون سیمې په الیوشکي ښار کې د اوربند په اړه وینا وکړي.
سپینې ماڼۍ نه دي ویلي چې په دې لیدنه کې به د روسیې او اوکرایین د کومې کچې استازې برخه ولري.
دا په داسې حال کې ده چې د روسیې او اوکرایین ترمنځ جګړه روانه او تر اوسه د جګړې د پای ته رسولو لپاره ډيپلوماتیکو هڅو پایله نه ده ورکړې.
